Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бәйләнеш ике яҡлы булһын
Хөрмәтле гәзит уҡыусылар! Яңы йылды ла һеҙҙең бай йөкмәткеле йылы хаттарығыҙ менән башлап ебәреүебеҙгә шатбыҙ. Редакция почтаһының тулы булыуы, яңылыҡтарығыҙ, шатлыҡ-хәстәрҙәрегеҙ менән уртаҡлашыуығыҙ, гәзит биттәрендә баҫылған мәҡәләләргә үҙ фекерегеҙҙе белдереүегеҙ – эшмәкәрлегебеҙгә оло баһа, ике яҡлы бәйләнеш билдәһе ул.
Бөрйән районындағы Мәһәҙей мәктәбенең башҡорт теле һәм әҙәбиәте уҡытыусыһы Сәйҙә Сәйәхова үҙ төбәгенең яңылыҡтары тураһында даими хәбәр итеп тора. Яңы йыл алдынан унан Бөрйәндә Ғаилә һәм Ирекмәнлек йылдарын тантаналы ябыу сараһының бик ойошҡанлы һәм матур уҙыуы тураһында хәбәр алғайныҡ. Әле даими авторыбыҙ Байназар мәктәбе һәм уның Мәһәҙей, Яуымбай, Мораҙым филиалдары уҡытыусылары араһында ойошторолған конкурс тураһында яҙып ебәргән. “Районыбыҙҙың иң ҙур, данлыҡлы мәктәптәренең береһе булған, алдынғы ҡарашлы директор Йәмил Ҡотлобаев етәкселегендәге Байназар мәктәбендә “Йыл уҡытыусыһы-2019” бәйгеһе үтте. Конкурстың төп еңеүсеһе – Гран-при эйәһе булып танылған Яуымбай мәктәбе уҡытыусыһы Зилә Закирова менән беренсе урынды яулаған Мәһәҙей мәктәбе уҡытыусыһы Ғаян Ишемовтың оҫталығына һоҡландыҡ”, – тип хеҙмәттәштәренең эшмәкәрлегенә юғары баһа бирә Сәйҙә Сәйәхова.

“Донъялыҡта изгелек ҡылайыҡ!” тип атала үҙ асылын диндә тапҡан хажиә Зәйтүнә апай Көҫәпованың сағыштыр­маса яңыраҡ табанан төшкән китабы. Башлап дингә аяҡ баҫҡандар өсөн дә, инде ныҡлы аяҡ терәп намаҙ уҡығандар өсөн дә донъяны танып белеү йәһәтенән бик әһәмиәтле, кәрәкле әсбап буласаҡ ул. Аллаһ Тәғәләбеҙгә нығыраҡ яҡынайырға ярҙам итә торған был китап ысын мосолман кешеһенең өҫтәлендә ятырға тейеш, минеңсә”, – тип яҙа үҙенең хатында Рәшиҙә Шәмсетдинова.

Нефтекама ҡалаһының Үҙәк балалар китапханаһы хеҙмәткәрҙәре лә редакция менән тығыҙ хеҙмәттәшлек итә. Уларҙа үткән ҡыҙыҡлы, фәһемле саралар хаҡын­дағы мәғлүмәттәр башлыса гәзиттең сайтында урын ала. “Республиканың 100 йыллығына арналған кисә барышында мәктәп уҡыусылары Башҡортостандың дәүләт символдары, тыуған төйәге­беҙҙең тарихына, тәбиғәт байлыҡ­тарына ҡағылышлы бай мәғлүмәт менән танышты, Салауат Юлаев һәйкәле, ҡурай, башҡорт балы, Янғантау, Красноусол минераль сығанағы һәм Шүлгәнташ мәмерйәһе тураһындағы белемен байытты”, – тигән юлдар бар китапханасы Гүзәлиә Ғабдрахманованың хатында.

Миәкә районының Илсеғол ауылында ата-әсәләр һәм балалар “Көрмөт-шоу” байрамы ойошторған. Был хаҡта Ирина Йосопова яҙып ебәргән: “Балаларҙың буш ваҡытын телефонға, компьютерға текәлеп уҙғарыуы барыбыҙҙы ла хафаға һала. Ә бына беҙҙең ауылдың бер төркөм йәштәре Көрмөт күле боҙланыу менән хоккей уйнай башланы. Көн дә боҙ өҫтөн ҡарҙан таҙартып, күнекмә яһайҙар. Уларҙың дәртләнеп уйнауын күреп, хаҡлы ялдағы уҡытыусы Тамара Иҫәнғолова менән китапханасы, “Ағинәйҙәр” ойошмаһы етәксеһе Ғәшүрә Мөхәмәтйәнова бүләктәр алып, ял көнө ярыш уҙғарҙы. Ошонан һуң атай-әсәйҙәр ҙә, балалар ҙа тағы дәртләнеп китте, боҙ өҫтөндә шыуыусылар көндән-көн артты. Башланғысты ауыл хакимиәте, мәҙәниәт йорто хеҙмәткәрҙәре, мәктәп етәкселеге күтәреп алды. Өфө ҡалаһында адвокат булып эшләгән ауылдашыбыҙ Фаил Иҫәнғолов, шәхси эшҡыуар Илһам Сәгәрйәров матди ярҙам тәҡдим итте. Шулай итеп, беҙҙә хоккей турниры, саф һауала зарядка, кәритә менән уҙыш, арҡан тартышыу (атайҙарға ҡаршы малайҙар, ҡыҙҙарға ҡаршы әсәйҙәр), күңелле эстафета­ларҙы үҙ эсенә алған “Көрмөт-шоу” байрамы уҙҙы”.

Башланып торған йыл дауамында ла һеҙҙән йөкмәткеле, ҡыҙыҡлы хаттар көтәбеҙ!



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Айырыуса өлкәндәр ыҙалай

Айырыуса өлкәндәр ыҙалай 18.02.2019 // Йәмғиәт

Республикала киҫкен респираторлы вирус инфекцияһы һәм киҙеү менән ауырығандар һаны, 18 февралгә...

Тотош уҡырға 24

Йөҙ йәшкә тиклем эшләгең киләме?

Йөҙ йәшкә тиклем эшләгең киләме? 18.02.2019 // Йәмғиәт

Рәсәйҙең баш ҡалаһында йәше 100-ҙән артҡан ете пенсионер һин дә мин эшләп йөрөй....

Тотош уҡырға 70

Ышанмағыҙ! Бөтәһенә лә түгел

Ышанмағыҙ! Бөтәһенә лә түгел 18.02.2019 // Йәмғиәт

Һуңғы көндәрҙә мессенджерҙар барлыҡ эшләмәгән пенсонерҙар шифахана-курорт дауалауы өсөн 3300 һумлыҡ...

Тотош уҡырға 72

20 мартҡа тамамларға!

20 мартҡа тамамларға! 18.02.2019 // Йәмғиәт

Сибай карьерын һыу менән тултырыу буйынса эш планға ярашлы бара. Был турала Хөкүмәттә үткән...

Тотош уҡырға 85

Мәскәүҙе маҡта ла... Бөрйәндә тор

Мәскәүҙе маҡта ла... Бөрйәндә тор 18.02.2019 // Йәмғиәт

Рәсәйҙә тормош кимәле иң яҡшы төбәктәрҙе атанылар. Тикшереүселәр быны билдәләгәндә тормош...

Тотош уҡырға 49

Батыр үҫтергәнһең икән, ял ит!

Батыр үҫтергәнһең икән, ял ит! 18.02.2019 // Йәмғиәт

Радий Хәбиров тиҙ арала Афған һуғышында һәләк булған хәрбиҙәрҙең ата-әсәләренә урындағы...

Тотош уҡырға 61

Подъезығыҙ ни хәлдә?

Подъезығыҙ ни хәлдә? 18.02.2019 // Йәмғиәт

Радий Хәбиров чиновниктарға күп фатирлы йорт подъездарына барып күрергә, уларҙың торошон тикшерергә...

Тотош уҡырға 50

Денге биҙгәген йоҡтороп ҡуйма!

Денге биҙгәген йоҡтороп ҡуйма! 18.02.2019 // Йәмғиәт

Ҡулланыусылар хоҡуғын яҡлау һәм кеше именлеген күҙәтеү буйынса федераль хеҙмәт Рәсәй граждандарына...

Тотош уҡырға 82

“Туҙанға батып ятһағыҙмы...”

“Туҙанға батып ятһағыҙмы...” 18.02.2019 // Йәмғиәт

Башҡортостан Хөкүмәтендәге оператив кәңәшмәлә республика Башлығы вазифаһын ваҡытлыса башҡарыусы...

Тотош уҡырға 53

Тәртипкә килтереүе ҡыйынмы ни?..

Тәртипкә килтереүе ҡыйынмы ни?.. 18.02.2019 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров оператив кәңәшмәлә Хөкүмәттең...

Тотош уҡырға 51

Быныһы ла Ҡазанға китмәһен...

Быныһы ла Ҡазанға китмәһен... 18.02.2019 // Йәмғиәт

Өфөләге Башҡорт дәүләт опера һәм балет театры бинаһы янындағы аллеяла күренекле яҡташыбыҙ, бейеүсе...

Тотош уҡырға 78

Ҡойроғона баҫтылар...

Ҡойроғона баҫтылар... 18.02.2019 // Йәмғиәт

Өфөлә йәшәгән ханым егерме йыл элек наркотик һатыуҙа тотолоп, уға ҡарата енәйәт эше ҡуҙғатыла....

Тотош уҡырға 107