Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йүнсел ҡатын ат эйәрләр...
Гөлназ Фәрит ҡыҙы Вәлиева малсылыҡҡа тотоноп киткәнсә оҙаҡ йылдар Яңауыл ҡалаһында китапханасы булып эшләй. Бөгөн күптәр ҡала ҡыҙының ауыл тормошон һайлап, яҙмышын ергә бәйләүенә һоҡланып ҡарай. Ошо ауыл егете Салауат Кәрим улы менән сәстәрен сәскә бәйләгәндән һуң, Гөлназ Иҫтәк ауылына килен булып төшә. Ҡыҙ ауыл китапханаһында эшләй, ире иһә фермерлыҡ менән шөғөлләнә.

— Ҡайным ғүмер буйы элекке Максим Горький исемендәге колхозда эшләне, һуңынан хаҡлы ялға сығып, фермер хужалығы ойоштороп ебәрҙе. Әлбиттә, ирем Салауат уның ярҙамсыһы, уң ҡулы булды, — ти Гөлназ Фәрит ҡыҙы. — Аҙаҡ ҡайным, эшен улына тапшырып, һәр баш­ланғысында ярҙам итте, кәңәштәренән өҙмәне.

Үкенескә ҡаршы, Гөлназ­дың ире Салауат бынан ике йыл элек вафат була. Әл­биттә, йәш ҡатынға ауыр ҡайғыны күтәреү енелдән булмай, әммә ул һынмай, һы­ғылмай. Ике балаһына өҫтәп, Салауаттың үлеменән һуң ике айҙан төпсөктәре тыуа. “Бындай ҡайғыны бер кемгә лә теләмәйем, бик һәйбәт кеше ине ирем, — ти Гөлназ Фәрит ҡыҙы. — Атай-әсәйем, ҡай­ным-ҡәйнәм, туғандарым, дуҫтарым ныҡ таяныс булды, әле лә ярҙамдан ҡалдыр­майҙар”.

Гөлназ ҡайныһы, ире башлаған эште ташлап ҡуй­май, уны артабан дауам итеү өсөн бар ҡайғы-хәсрәтен онотоп, башкөллө хужалыҡты етәкләп алып китә. Етмәһә, район хакимиәте лә ҡыйыу ҡатындың башланғысын хуп­лай.

Киң ҡарашлы эшҡыуар артабан малсылыҡты үҫтереүгә, ерҙе эшкәртеүгә ныҡлап тотона. Бөгөн фермерҙың хужалығы юғары сифатлы һөт һәм ит етештерә. 200 баш һыйыр малы аҫрала, шуның 70-е — һауын һыйыры. Көн һайын 400 литрҙан ашыу һөттө Яңауыл һөт заводына тапшырып, хужалыҡ ҡаҙнаһын тулыландыралар. Һимертеүгә алынған быҙауҙар айырым тотола. Тейешле дәрәжәгә еткереп һимертелгән итте баҙарға сығаралар йә Пермь крайы эшҡыуарҙарына тәҡдим итәләр. Әйткәндәй, бында етештерелгән продукцияның сифатына бер дәғүә лә булғаны юҡ икән: уны һәр ерҙә теләп алалар. Малдары өсөн бөтә төр аҙыҡты ла фермер үҙе әҙерләй: 400 гектарҙан ашыу ерендә фураж өсөн кәрәкле иген культураларын, хуш еҫле бесән өсөн үлән үҫтерә.

Төп эштәрҙе башҡарырға мал ҡараусы, һауынсы һәм механизатор итеп ауылдаштарын саҡырған. Йүнсел ҡатын үҙе лә иртә таңдан ҡара төнгәсә фермала, баҫыуҙа. Төрлө ойоштороу мәсьәлә­ләрен хәл итеү менән бергә бихисап көндәлек мәшәҡәт­тәрҙең иң мөһимдәрен һәм яуаплыларын тулыһынса үҙенә йөкмәгән. Бер туған ҡустыһы Илгиз — бөгөн Гөлназдың төп ярҙамсыһы, таянысы. Ире Салауаттың бер туған ағаһы фермер Зиннур ҙа ныҡлы терәге.

Гөлназ Фәрит ҡыҙы бөтә уңайлыҡтары булған заманса йортта ғүмер итә, бер ҡыҙ һәм ике ул үҫтерә.
Билдәле рус яҙыусыһы Михаил Лермонтов, быуат ярым элегерәк үҙенең романына исем итеп алып, “беҙҙең заман геройы” тигән һүҙбәй­ләнеште әүҙем ҡулланы­лышҡа индереп ебәрә. Башҡа һөнәр вәкил­дәрен әллә ни үпкәләтмәй, өҫтәлебеҙҙе юғары сифатлы аҙыҡ-түлек менән тәьмин итеүҙе үҙҙәренең көндәлек маҡсаты иткән ауыл эшсән­дәрен, шул иҫәптән яңғыҙы өс бала тәрбиәләп, тормоштан йәм, хеҙмәттән тәм табып йәшәгән замандашыбыҙҙы тулы мәғәнәһендә “беҙҙең заман геройы” тип атарға мөмкин.

Автор: Самат ҒӘЛИН
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Айырыуса өлкәндәр ыҙалай

Айырыуса өлкәндәр ыҙалай 18.02.2019 // Йәмғиәт

Республикала киҫкен респираторлы вирус инфекцияһы һәм киҙеү менән ауырығандар һаны, 18 февралгә...

Тотош уҡырға 24

Йөҙ йәшкә тиклем эшләгең киләме?

Йөҙ йәшкә тиклем эшләгең киләме? 18.02.2019 // Йәмғиәт

Рәсәйҙең баш ҡалаһында йәше 100-ҙән артҡан ете пенсионер һин дә мин эшләп йөрөй....

Тотош уҡырға 70

Ышанмағыҙ! Бөтәһенә лә түгел

Ышанмағыҙ! Бөтәһенә лә түгел 18.02.2019 // Йәмғиәт

Һуңғы көндәрҙә мессенджерҙар барлыҡ эшләмәгән пенсонерҙар шифахана-курорт дауалауы өсөн 3300 һумлыҡ...

Тотош уҡырға 72

20 мартҡа тамамларға!

20 мартҡа тамамларға! 18.02.2019 // Йәмғиәт

Сибай карьерын һыу менән тултырыу буйынса эш планға ярашлы бара. Был турала Хөкүмәттә үткән...

Тотош уҡырға 85

Мәскәүҙе маҡта ла... Бөрйәндә тор

Мәскәүҙе маҡта ла... Бөрйәндә тор 18.02.2019 // Йәмғиәт

Рәсәйҙә тормош кимәле иң яҡшы төбәктәрҙе атанылар. Тикшереүселәр быны билдәләгәндә тормош...

Тотош уҡырға 49

Батыр үҫтергәнһең икән, ял ит!

Батыр үҫтергәнһең икән, ял ит! 18.02.2019 // Йәмғиәт

Радий Хәбиров тиҙ арала Афған һуғышында һәләк булған хәрбиҙәрҙең ата-әсәләренә урындағы...

Тотош уҡырға 61

Подъезығыҙ ни хәлдә?

Подъезығыҙ ни хәлдә? 18.02.2019 // Йәмғиәт

Радий Хәбиров чиновниктарға күп фатирлы йорт подъездарына барып күрергә, уларҙың торошон тикшерергә...

Тотош уҡырға 50

Денге биҙгәген йоҡтороп ҡуйма!

Денге биҙгәген йоҡтороп ҡуйма! 18.02.2019 // Йәмғиәт

Ҡулланыусылар хоҡуғын яҡлау һәм кеше именлеген күҙәтеү буйынса федераль хеҙмәт Рәсәй граждандарына...

Тотош уҡырға 82

“Туҙанға батып ятһағыҙмы...”

“Туҙанға батып ятһағыҙмы...” 18.02.2019 // Йәмғиәт

Башҡортостан Хөкүмәтендәге оператив кәңәшмәлә республика Башлығы вазифаһын ваҡытлыса башҡарыусы...

Тотош уҡырға 53

Тәртипкә килтереүе ҡыйынмы ни?..

Тәртипкә килтереүе ҡыйынмы ни?.. 18.02.2019 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров оператив кәңәшмәлә Хөкүмәттең...

Тотош уҡырға 51

Быныһы ла Ҡазанға китмәһен...

Быныһы ла Ҡазанға китмәһен... 18.02.2019 // Йәмғиәт

Өфөләге Башҡорт дәүләт опера һәм балет театры бинаһы янындағы аллеяла күренекле яҡташыбыҙ, бейеүсе...

Тотош уҡырға 78

Ҡойроғона баҫтылар...

Ҡойроғона баҫтылар... 18.02.2019 // Йәмғиәт

Өфөлә йәшәгән ханым егерме йыл элек наркотик һатыуҙа тотолоп, уға ҡарата енәйәт эше ҡуҙғатыла....

Тотош уҡырға 107