Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ауылдың йәме лә, йәне лә ул – мәктәп
...Республикабыҙҙың көнбайышындағы данлыҡлы башҡорт ауылдарының береһе Ҡаңны-Төркәй беҙҙе һиллек менән ҡаршы алды. Төҙөк, йыйнаҡ ауыл урамдарында кеше күренмәй, тик өй ҡыйыҡтарынан сыҡҡан ҡуйы төтөн генә бында тормош үҙ яйына һәүетемсә аҡҡанын, халыҡтың көндәлек эш менән мәшғүл икәнлеген иҫбатлап торғандай тойолдо.

Фиҙакәрлек – һөнәрҙе яратыуҙа

Әммә тәүге тәьҫораттар урындағы мәктәп ишеген асҡас уҡ юйылды.
– Һаумыһығыҙ! – ишек төбөнән үк беҙҙе бөхтә ке­йенгән балалар саф баш­ҡорт­са сәләмләп, эскә әйҙә­не, мәктәп директоры Гөлзиә Фәнис ҡыҙы Әҙелгәрәева учреждение коллективы менән таныштырҙы.

Башҡорт әҙәбиәтенең са­ғыу вәкилдәренең портреттары эленгән ҙур кабинетта Фәриҙә Хәбибрахман ҡыҙы Сәғәҙиева менән таныша­быҙ. Ул ошо ауылда тыуып үҫкән. Юғары уҡыу йортон тамам­лағандан һуң, өс тиҫтә йылға яҡын балаларға баш­ҡорт теле һәм әҙәбиәтенән белем бирә икән.
– Үҙемде башҡа һөнәр эйәһе итеп күҙ алдына ла килтерә алмайым – шул тиклем фәнемде яратам. Биге­рәк тә әҙәбиәт күңелемә яҡын. Уҡыу программаһына инде­рел­гән әҫәрҙәрҙән тыш, бала­ларҙы яҙыусыларҙың ижады, гәзит-журналда баҫылған мәғлүмәт менән дә даими таныштырып барырға тырышам. Бик тә оҡшаған хикәйә-повес­тар буйынса йылына бер нисә тапҡыр спектаклдәр ҙә ҡуябыҙ балалар әүҙем ҡатнаша.

Фәриҙә Хәбибрахман ҡыҙы – үҙе лә тынғыһыҙ, ижади булмышлы кеше, йыл һайын төрлө бәйге­ләрҙә ҡат­наша. Был – уҡытыусының күңел талабы. “Милләт­тәштә­рем менән аралашып, тәжри­бә уртаҡ­лашып, рухланып ҡайтһам, донъям яҡтырып киткәндәй була”, – ти ул. Әйт­кәндәй, күптән түгел Фәриҙә ханым Әлшәй районында үткән “Сәсәндәрем, килегеҙ!” төбәк-ара конкурсында ҡат­наш­ҡан. Үлемһеҙ “Урал батыр” эпосының 500 юлын яттан һөйләп, “Уҡытыусы-сәсән” но­ми­нацияһында еңеү яулаған.

– Бәйге тураһында осраҡ­лы ғына ишетеп ҡалдым. Ауылыбыҙ ағинәйҙәренең бе­реһе, ифрат рухлы, дәрт-дарманлы апайыбыҙ Рәйсә Харис ҡыҙы Яҡупова, баҡһаң, ошо сарала ҡатнашырға йыйынып йөрөй икән. Икәүләп барҙыҡ. Ул “Саҡ менән Суҡ” бәйетен һөйләне. Шул тиклем көслө, әһәмиәтле конкурс булды! Дәртләнеп ҡайттым – киләһе йыл мотлаҡ тағы ла барам, – ти Фәриҙә Хәбибрахман ҡыҙы.

Ул арала кабинетҡа ХI класс уҡыусылары килеп ин­де. Быйыл Ҡаңны-Төркәй мәк­тәбен дүрт кенә бала тамамлай икән. Дөйөм уҡыусылар һаны һигеҙ тиҫтәгә яҡын, ошо ауылдыҡыларҙан тыш, күрше Таллыкүл ауылынан да йөрөп уҡыйҙар.

Йәштәрҙең хәле йәштәрсә: алдағы Берҙәм дәүләт имтихандары менән бергә ки­лә­сәккә ҡорған пландары тор­мош­ҡа ашыу-ашмауы борсой, әммә 17-18 йәштә барыбер бар донъя ҡолас йәйеп торған кеүек тойола бит ул! Бала­ларҙың ихласлығына һоҡла­нып, уңыштар теләп хуш­лаштыҡ: әлбиттә, барлыҡ хыялдары бойомға ашһын!

Булыр бала биләүҙән

Ҡаңны-Төркәй урта мәктә­бенең тағы бер “йондоҙсоғо” менән аралашырға насип булды беҙгә. Илүзә Аҫыл­гәрәева IX класта уҡый, яҡшы билдәләргә генә өлгәшә, мәктәптең йәмәғәт тормошонда әүҙем ҡатнаша, йырлай ҙа, бейей ҙә, мәктәптең өлкән класс уҡыусылары советы рәйесе лә икән. Район, республика сараларында ла бихисап призлы урын яулаған.

Ул – күрше Таллыкүл ауылынан, Гөлүзә менән Азат Аҫылгәрәевтәрҙең татыу ғаиләһендәге төпсөк ҡыҙ бала. Ғаилә башлығы “Россельхоз­надзор” идара­лы­ғының урындағы филиалында инспектор булып эшләй, әсәһе урындағы мәктәптә башланғыс класс уҡыусы­ларына белем бирә. Илүзә өлкән ағаһы менән апаһын ҙур ғорурлыҡ менән телгә алды. Айнур, Өфө дәүләт нефть техник университетын тамамлағандан һуң, Себергә эшкә киткән, инженер һөнәре буйынса тәжрибә туп­лай. Юлиә лә ошо уҡ юғары уҡыу йортон тамамлап, Өфөлә хеҙмәт юлын башлаған.
– Ағайым менән апайым миҫалы – миңә өлгө, улар кәңәшселәрем, фекер­ҙәш­тәрем. Әммә күңелемә табип һөнәре яҡыныраҡ, шуға ла медицина юлын һайларға ниәтләйем.

Класта туғыҙ кеше уҡый­быҙ. Төрлө сараларҙың урта­һында ҡайнарға, нин­дәйҙер яңылыҡ уйлап сыға­рырға, шуға башҡаларҙы ла йәлеп итергә яратам. Ойоштороу һәләте – атайымдан. Әсәйем иһә төплө кәңәштәре менән күңелемде үҫтереп, дәртлән­дереп тора, – ти Илүзә Аҫылгәрәева.
Уның ғаилә ҡиммәттәре хаҡында төплө итеп һөйләүе шуны иҫбатлай: Аҫылгә­рәевтәр һәр шатлыҡты һәм ҡаршылыҡты бер төптән булып, уртаға һалып кисергән татыу, берҙәм ғаиләләрҙән. Юҡҡамы ни балалары уның усағынан йәшәүгә көс, эшләргә дәрт алып, үҙаллы тормош юлына ныҡлы аяҡ баҫҡан? Иманым камил, Илүзә лә һынатмаясаҡ.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Радий Хәбировҡа мөрәжәғәт иткәс...

Радий Хәбировҡа мөрәжәғәт иткәс... 17.02.2019 // Белем һәм тәрбиә

Баймаҡ районы Иҫке Сибай ауылының авария хәлендәге белем усағын тиҙҙән һүтә башлап, уның урынына...

Тотош уҡырға 182

Башланғыс кластар ауылда ҡала

Башланғыс кластар ауылда ҡала 17.02.2019 // Белем һәм тәрбиә

Башҡортостандың мәғариф министры вазифаһын башҡарыусы Айбулат Хажин ошо көндәрҙә эш сәфәре менән...

Тотош уҡырға 352

Иҫке Сибай уҡыусыларына урын әҙер

Иҫке Сибай уҡыусыларына урын әҙер 17.02.2019 // Белем һәм тәрбиә

Яҙҙың тәүге көнөнән Иҫке Сибай мәктәбенең 5 – 11 класс уҡыусылары Сибай ҡалаһының 14-се урта...

Тотош уҡырға 303

"Беренсе"лә белемеңде һынап ҡара!

"Беренсе"лә белемеңде һынап ҡара! 15.02.2019 // Белем һәм тәрбиә

Рәми Ғарипов исемендәге 1-се башҡорт республика гимназия-интернаты Башҡортостан Мәғариф министрлығы...

Тотош уҡырға 120

Апрель нимә вәғәҙә итә?

Апрель нимә вәғәҙә итә? 15.02.2019 // Белем һәм тәрбиә

Башҡорт дәүләт университетында Башҡорт АССР-ы ойошторолоуҙың – 100 һәм Башҡорт дәүләт...

Тотош уҡырға 89

Стәрлетамаҡ өсөнсө йыл алдынғы

Стәрлетамаҡ өсөнсө йыл алдынғы 15.02.2019 // Белем һәм тәрбиә

Ошо көндәрҙә Рәсәйҙең Фән һәм юғары белем министрлығы юғары уҡыу йорттарының һөҙөмтәлелегенә йыллыҡ...

Тотош уҡырға 55

Изгелек һәм  тыныслыҡ йырсыһы

Изгелек һәм тыныслыҡ йырсыһы 15.02.2019 // Белем һәм тәрбиә

“Башҡортостан уҡытыусыһы” журналы былтыр йыл һуҙымында халыҡ шағиры Мостай Кәримдең тормош юлына...

Тотош уҡырға 140

"Дәрес булмай, ҡар көрәгеҙ!"

"Дәрес булмай, ҡар көрәгеҙ!" 13.02.2019 // Белем һәм тәрбиә

Өфөләге 69-сы мәктәптең IX класс уҡыусыларын физкультура дәресе урынына тышҡа ҡар көрәргә...

Тотош уҡырға 184

Финанс белемлелек көн дә кәрәк

Финанс белемлелек көн дә кәрәк 13.02.2019 // Белем һәм тәрбиә

Башҡортостан мәғарифты үҫтереү институтында дөйөм һәм һөнәри белем тармағында финанс белемде...

Тотош уҡырға 148

Сибай менән Ҡостанай араһына – дуҫлыҡ күпере

Сибай менән Ҡостанай араһына – дуҫлыҡ күпере 12.02.2019 // Белем һәм тәрбиә

БДУ-ның Сибай институтына, шул яҡ төбәк йәштәренән тыш, Рәсәйҙең төрлө ҡалаларынан, сит...

Тотош уҡырға 84

“Ҡояшҡай” балаһының теләге

“Ҡояшҡай” балаһының теләге 12.02.2019 // Белем һәм тәрбиә

Борай ауылындағы “Ҡояшҡай” балалар баҡсаһы – районда һәр йәһәттән дә алдынғылар исемлегендә. Белем...

Тотош уҡырға 110

Күмәкләшеп ҡурсаҡ уйнаныҡ

Күмәкләшеп ҡурсаҡ уйнаныҡ 12.02.2019 // Белем һәм тәрбиә

Ҡурсаҡ иң боронғо уйынсыҡтарҙан һанала. Өлкәндәр был тәтәйгә ҙур иғтибар биргән, сөнки ул –...

Тотош уҡырға 100